kata-kata mutiara

Presiden Soekarno mengatakan :
"Jangan sekali-kali melupakan sejarah!"
"Bangsa yang besar adalah bangsa yang menghargai jasa pahlawannya"

Presiden John Fitzgerald Kennedy mengatakan :
"Jangan tanyakan apa yang negara ini berikan kepadamu tapi tanyakan apa yang telah kamu berikan kepada negaramu."

Minggu, 24 Agustus 2008

MULAI PINAI WAT MA WUNTO

  1. Wuri jatang wulutan wasi kinuteu jaya tupu kinsau burunama sapuh dato wuwung langit panrungan erang hila talawang rueh makis rawen siwu mangkuwian, bakir hante mangkuwanan kingking uweng tuhi kawi nyauh muser wila ruji palat kawang tuhi kawan peda nyingkir panutean, yeru pinai amah Wuntu mula tataiken itak dangan ilau.Hie wuri maleh lagi tutur manang sawung nanyu.

  1. Wuri Damung Napulangit kinuruhan warah wulau kinurung damung kumpai ngunyup anya wungau raden banta tapus ile wangun kalir sunsang riwut nampuh walang wilis hawi hingka panyalentuk langit tutukan kayu nawa karung minsilaan lehung resbai jupak nyangkau lehung harung minsilaan.Uri rejup taris nyangkan uri, wuri tetei samagilang rampan sapanere lanu tahan nateari jari togok kapunaat nangol. Sumeah imalau kui weah kular pungiuh pupuk wai muka ware dapat tune wuri ngungu tawilas baning putaran unru lajung ngingu satawinas lajang gutuk nanyu nangkur liang wiri ngingu diwata lali ranu nyurung pampang tumai putak janah puang talau isut. Yeru pinai Damung Napulangit tataiken raden warah wulau.

Hie wuri mula maleh tutur manang sawung nanyu naan wuri maleh manang sawung nanyu.

  1. Wuri urang inekep ia amukakang tumu bawu watumuri sansang anri simasusur anri nanyu umpe makarana sima buang malewu antu jatuh kapunaun langit riwu kapumulan tene sangkun umak nelang gawe raya tapapasung nisi jago jano palus jari sima, Panmayau janang tempu karunuken musis teka, teka tampung langit mahajungit lalau anrau. Yeru Pinai amah kunsi nanyu tataiken bapang simang nunra. Hire wuri maleh tutur manang sawung nanyu naan wuri maleh lagi manang sawung nanyu.

  1. Wuri pampang rengkun mulung kalulai jumuhala-jumuhala pagu maleh nyamut watu lilau maleh kayuntakan marah gagah. Wukusu tumu iwu ranu lalan lumpat manyubarang anak piak haut tapuanju anak sima hawi hingka wungkur padang. Yeru pinai jumuhala mula maleh tataiken gana ratu hiang hie wuri maleh lagi tutur manang sawung , naan wuri maleh lagi tutur manang sawung nanyu.

  1. Wuri tetek ni tawarung tumas erang para wangku, aku puang tau tarung daya puang samanuwu, tetek ia itawarung tetek muneng hatampatai, aku puang tau tarung daya aku puang panani, Tetek ia itawarung tumas para ni tangkala, aku puang tau tarung daya puang samabangka, ngia ngiung siding piket tumas para ni wungkalang, pada wuri sapanutuien paket naneo lawang galah tuntang yeru pinai amah Siwu pupuh tataiken bapang tinjau gunung. Hie wuri maleh lagi tutur manang sawung nanyu, naan wuri maleh tutur manang sawung nanyu.

  1. Wuri bungumbang bungkul puris awak matan helai, wuri walu tuntun tungka kareh rana sinruk dewa katamu padang mangkuleh tewu jiwang nalau alah. Hipak ipalapa sunra galis manaping kareh, wuri piak lalai ganta anak nanyu kinuwasa maleh Wahai nanyu nganya anyak euk lungai ngasaeser jatuh ngayak lalau langit riwu ngesur enui anrau kaitus majarumat langit magat jawa matung unru, matung unru kurungku tampak puu aji jatuh, yeru pinai Patis Harara tataiken ganda urai langit. Hie wuri mula maleh tutur manang sawung nanyu, naan wuri maleh lagi tutu manang sawung.

  1. Jari ilap tanang bala wunsiang, nanyu maleh pangkat watu lange lungai pauring hijau manang nyawung, tulu nanyu wawun warung puje lungai lalai lansang, tulu nanyu anya bulang puji, lungai lanjang tapi, niui sarimuwur umu pinang inampulu lawi idar nanyu wuranan gunting simang mape putut wulu, muntika nyumur wawar berang ira baku. Hiku hena wua muntei gulung raja munsun pida palar nimang tipak jaring parei. Humang imalau ranu ipataku malau raja. Yeru pinai Tadung buta maleh tataiken huap nangar gunung. Hie wuri maleh lagi tutur manang sawung nanyu, naan wuri maleh lagi manang sawung nanyu.

  1. Wuri riwut tingara raju selatan nima gunung riwut tingara tangai salatan rakun jejep wari panupi durung bawan ngingunyaru duneng tasik kaleh bokam kapalempen murak suning lelau hiang kauba saw adire ngalap manyang ranu igalepai uma wuah isantaping simang ranu isaundur uma payupuk taping turut tutunwaya kajut hena balai janyar suci nimang ajung muat pulu. Nyelem witu suci pangkat puang wehu RANU ANRUNG nginrang apaui sauh rakit kajumpalis wente babat yeru pinai uria Pundeh mula maleh hampitu murik witu. Hie wuri mula maleh tutur manang sawung nanyu naa wuri maleh lagi tutur manang sawung nanyu.

  1. Uria wuah ingurung libaru bahaya ingalah ingagum sungei wuri ngingu pampuhetan guna pihamsuran widang kuning kala teah uei wawei minrang siris. Wahai lako wuri samatakut kame marawan ringi kayang pada wuri putak pinyau malawen asal rakabaliwasi. Yeru pinai Patis Bahungen wuri ngingu taneli ureu. Hie wuri mula maleh tutur manang sawung nanyu naan wuri maleh lagi tutur manang sawung nanyu.

  1. Wuri baju mainisi gambar tuga renrun item, hamen aku ngumala wuah mihulap simang ranu, nampan kala sansang wuah niiuang getek, samng ranu hamen lagi aku ngumala naymu mihulap hepun ukui nampan kala sansang nyamu wiuang getek hepun ukui pada aku ngumala roha mihulap simang langit nampan kala sansang rahu nimang getek lalung kupang, ia naretek teung lawu mawading wuku, yeru pinai Patis Mawuyung tataiken gantaamau kuku, hie wuri mula maleh tutur manang sawung nanyu naan wuri maleh lagi manang sawung nanyu.

  1. Sawung nanyu ia itangen wangan tumas erang wangku wau, wuri dana wunsanan banang kinusalinratu, ia itarawen wangan galis inanaping ranu, wuri dana wunsanan banang puang takut muhu kele-kele mamai wawe kedan-kedan manu ulun kapatai manu hang galangang, karupuh piak erang raga, tumang tangulan luat tapuhanri kakau ayau, enem lian ku hingka ayat pitu tamput hi Marangau pitauheut amau anrau, Yeru pinai makilalai mula maleh sihala hampitu erang malem. Hie wuri mula maleh tutur manang sawung nanyu naan wuri maleh lagi tutur manang sawung nanyu.

  1. Wuri batung hamanangul tamiang ingarigis, ingarigis hujung matu ngumar bulang warung tungka wuri nanteweng buyuha nyajak sagalangang nanyu susupan jari sima kuwangan jari nanyu ewah empa jari munsit tantahan janang panyuruk wahai nanyu nganyakanyak euk lungai ngaseesur jatuh ngayak dakulu wuku riwu ngeser hanrian wawei sihala hang tumpa lalan singkahung iwu nunsang enui iyak aur, naing antahu pasiau taulang. Yeru pinai makulayumula maleh tataiken ganda mangkan kaleh pada wuri sapanyalai ulun asal sa nasalai ulun.

  1. Ikilai danu danu tarang kilang erang sipulapa wuri sintar bayang-bayang kalelu baik nyama hi iyu kaanak hi Ewe hi Ewe hi Uta hi Uta kaanak hi Itang hi Itang kaanak hi Imit hi Imit kaanak hi Sabambang hi Sabambang kaanak hi Majawu Lanting hi Majawu Lanting kaanak hi Sakurai Laut hi Sakura Laut kaanak hi Ambang Mahai, yeru asal Ambang Mahai kapatei nanyu Manulun.

  1. PINAI WAT GALEBA

Wuri kilang daun rewaramang, kilang erang sipulapa, wuri sintar bayang-bayang kalelu baik rupa hi Ia kaanak hi Ewe, hi Ewe kaanak hi Uta, hi Uta kaanak hi Itang, hi Itang kaanak hi Imit, hi Imit kaanak hi Angu, hi Angu kaanak hi Galeba, hi Galeba mula maleh wuri nutu niui ganring, nelang nutu nelang nyamut nelang miurah nelang nantawan kaputen erang eley kasamelai erang amak kalatus erang naga kapikaung erang kapijangan titikui wani erang kusi nampuk raja jari danau, yeri pinai Galeba mula maleh.

  1. PINAI WAT KAKAH AJANG

Wuri lanting panyia rayu jakit nanang talanguan ala rayu galis rarah tindak talanguan jarah utek unyah sampung ajung galis tapuile jungkit pilu jarah tapupuser, taping lanting mamuhara hanyut jakit tane repai nangu benteng raja galis usak bunai dadung ratu jarah ongoh lapu Banjarmasin galis narui tangan Karang hanyar jarah nyunru lungun tuku Sina sibahum negei warung dagang sinhana ngurut Kantor raja uneng, makan angain balai ratu umak nalu riwut jari riwut pakai rauh ahung janang angin aji nyakai kunu, timarang tatat kareh suut gampar hang pulatar, kakah Ajang mula maleh kaliputi pulau Banjar timarang tatat kareh suut gampat hawa itu pinai amah gansan maleh tataiken kakah Ajang nanyu.

  1. PINAI TINGKA JAWANG LANGIT

Pakai ulun nutung jangka akup, amun haut hampe malem perlu nutung ramai tete Idaran lenganni:

Pinai tingkah jawung langit piut kumuhara bisu karumun napulangit biring muti lawi wlu wuri nipu wuyung mitah sasak guntai iring lalan ia, tapulungu-lungu iwa putut watang wuri anak halimuung asal sakura jatang, ia tapulungu-lungu, lungu iwu putut ari wuri anak halimun asala sakahera wasi, wuri panampare ramai liu nampajah putang lului kame.

  1. PINAI MALEH WAT JARANG

Wuri hijau-hijau tanraanau biring kutai kuta layar muai wani dura the erang sa tampurung batung lisin puang iyuh netei telang teah ware dapat nelan Yeru pinai amah nangkaipapan tataiken bapang nyudah rini, amah kaki kalun bantan elak nalu puja agung.

  1. PINAI DAMUNG LAMUARA TATIKEN RATU GUHA NULUN
Hie wuri mula maleh tutur manang sawung nanyu, nanyu naan wuri maleh lagi tutur manang sawung nanyu, wuri kami balalimpe pea untu wadak supang, wuri dalung kapunyingkang apar umut jangka tapu nyange. Yeru pinai amah Sunding bakulelun munge amas, pusuk jalu maeh rane sunting, yeru pinai damung Ilapnyilu tataiken patis payung anrau.

Tidak ada komentar: